پاکستان کرکٹ بورڈ کی بڑی کامیابی، ایشیاء کپ کی میزبانی پاکستان کو مل گئی، آئندہ سال ستمبر میں پاکستان میں کھیلا جائے گا


  سنگا پور(این این آئی) ایشیاء کپ کی میزبانی پاکستان کو مل گئی، ایشیا ء کپ آئندہ سال ستمبر میں پاکستان میں کھیلا جائے گا۔تفصیلات کے مطابق ایشین کرکٹ کونسل کا سنگاپور میں اجلاس منعقد ہوا جس میں اعلان کیا گیا ہے کہ ستمبر 2020 میں کھیلا جانے والا ایشیاء کپ پاکستان میں ہوگا۔ ذرائع کے مطابق ایشیا ء کپ ٹی ٹونٹی فارمیٹ پر ہوگا، پی سی بی آئی سی سی ورلڈ کپ کے بعد ایشیا کپ کی تیاریوں کا آغاز کرے گا۔
اے سی سی اجلاس میں 2022 کی ایشین گیمز میں کرکٹ کی شمولیت کی منظوری دیدی گئی ہے، ایشین گیمز 2018 میں کرکٹ شامل نہیں تھی۔دوسری جانب اے سی سی اجلاس کی سائیڈ لائن پر پی سی بی اور سری لنکن کرکٹ حکام کی ملاقات ہوئی،
 سری لنکا کو پاکستان میں کھیلنے کی دعوت دی گئی ہے جس پر مثبت جواب کی امید ہے۔ترجمان پی سی بی کے مطابق سری لنکن کرکٹ ٹیم کو کراچی اور لاہور میں میچز کھیلنے کی پیشکش کی گئی ہے۔یاد رہے کہ بھارت نے گزشتہ سال پاکستان ٹیم کی وجہ سے ایشیا ء کپ کی میزبانی سے انکار کردیا تھا، بعدازاں مقابلوں کا انعقاد یو اے ای میں کیا گیا تھا۔اس کے بعد بی سی سی آئی حکام کا مطالبہ تھا کہ پاکستان میں ایشیا کپ 2020 کو کسی دوسرے وینیو پر منعقد کرائے۔خیال رہے کہ ایشیاء کپ کی میزبانی پاکستان کو دینے کا فیصلہ ایشین کرکٹ کونسل کے اجلاس میں ہوا تھا۔
پاکستان کرکٹ بورڈ کی بڑی کامیابی، ایشیاء کپ کی میزبانی پاکستان کو مل گئی، آئندہ سال ستمبر میں پاکستان میں کھیلا جائے گا پاکستان کرکٹ بورڈ کی بڑی کامیابی، ایشیاء کپ کی میزبانی پاکستان کو مل گئی، آئندہ سال ستمبر میں پاکستان میں کھیلا جائے گا Reviewed by Walliam Marry on 10:23 PM Rating: 5

No comments:

Powered by Blogger.